Health

IDARA/SEHEMU YA AFYA USTAWI WA JAMI

Sehemu hii inajumuisha na hospitali ya Rufaa ya Mkoa wa Njombe, lengo la sehemu hii ni kusaidia au kuwezesha utoaji wa huduma bora za Afya za kinga, matibabu na maendeleo ya huduma za Afya na Ustawi wa Jamii katika Mkoa. Seksheni hii inaongozwa na Katibu Tawala Msaidizi ambaye pia ni Mganga Mkuu wa Mkoa, ambaye anawajibika kwa Katibu Tawala wa Mkoa.

Idara ndogo ndogo ndani ya Afya

• Elimu ya Afya
• Huduma za Tiba (Magonjwa ya ndani, Watoto, wajawazito, Upasuaji na Mifupa, Huduma za mionzi, Maabara na Mortuary)
• Huduma za Kinga (Huduma za Afya ya mama na mtoto na Huduma za kuzuia magonjwa ya kuambukiza)
• Utengemao (Rehabilitation)
• Ustawi wa Jamii
• Afya ya Mazingira

Majukumu ya Seksheni ya Afya na Ustawi wa Jamii

Majukumu ya Idara/Seksheni

Majukumu ya seksheni/sehemu ya Afya na Ustawi wa Jamii:

• Kuratibu na kushauri juu ya utekelezaji wa wa sera za Afya katika Mkoa
• Kuratibu masuala ya Afya na Ustawi wa Jamii katika Mkoa
• Kusimamia utoaji sahihi wa huduma za Afya zinazotolewa na hospitali/vituo vya Umma na sekta binafsi katika Mkoa
• Kuzijengea uwezo Mamlaka za Serikali za Mitaa katika utoaji wa huduma za Afya
• Kutoa ushauri wa kitaalamu katika uandaaji wa mipango ya upambanaji/uzuiaji wa tatizo la Virusi/UKIMWI (HIV/AIDS)
• kutoa ushauri wa kitaalamu juu ya uendeshaji wa shughuli zinazohusiana na masuala ya Virusi/UKIMWI (HIV/AIDS) katika Mkoa
• Kutoa huduma za Afya/msaada unaohitajika wakati wa milipuko ya magonjwa katika Mkoa
• Kutoa huduma za kliniki na matibabu kwa wagonjwa wa ndani na nje wanaoletwa kutoka vituo vya Afya/hospitali za mamlaka za serikali za mitaa
• Kutoa huduma za kitaalamu (utaalamu wa kubobea) za matibabu
• Kutoa/Kusaidia huduma za kitaalamu na msaada unaohitajika kwa vituo vya Afya na Hospitali za Mamlaka za Serikali za Mitaa wakati wa milipuko ya magonjwa yakuambukiza
• Kutoa huduma za rufaa za maabara na vipimo
• Kuratibu upatikanaji wa madawa/vifaa tiba kwa ajili ya hospitali

HALI YA AFYA NA USTAWI WA JAMII

Mafanikio yaliyopatikana katika Sekta ya Afya ni kama ifuatavyo:-

Vituo vya kutolea huduma.

•  Mwaka 2005 Mkoa wa Njombe ulikuwa na Hospitali 10, Vituo vya Afya 19 na Zahanati 116, Mwaka 2014 Mkoa una jumla ya Hospitali 11, Vituo vya Afya 20 na Zahanati 207.
• Mgawanyo wa Huduma za Afya na wamiliki Mwaka 2005 ni                         kama ifuatavyo:

• HUDUMA ZA AFYA	MMILIKI	WILAYA			JUMLA
  		Njombe	Ludewa	Makete
  Zahanati	1. Serikali	40	33	13	86
  	2. Binafsi/Shirika	17	3	10	30
  	JUMLA	57	36	23	116
  Vituo vya Afya	1. Serikali	3	3	3	9
  	2. Binafsi	6	3	1	10
  	JUMLA	9	6	4	19
  Hospitali	1. Serikali	1	1	1	3
  	2. Binafsi	3	2	2	7
  	JUMLA	4	3	3	10
  JUMLA	1. Serikali	44	37	17	98
  JUMLA	2. Binafsi	26	9	13	48
  	JUMLA	70	46	30	146

• 
  
  • Mgawanyo wa Huduma za Afya na Umiliki kwa Mwaka 2014:

  • HUDUMA ZA AFYA	MMILIKI	WILAYA					JUMLA
    		Njombe	Njombe TC	Makete	Ludewa	WANGING’OMBE
    Zahanati	1. Serikali	63	39	22	49	39	173
    	2. Binafsi/Shirika	14	5	11	4	2	34
    Vituo vya Afya	1. Serikali	3	1	3	3	2	10
    	2. Binafsi/Shirika	1	5	1	3	1	10
    Hospitali	1. Serikali	1	1	1	1	-	4
    	2. Binafsi	2	1	2	2	1	7
    JUMLA	1. Serikali	67	41	26	53	41	187
    	2. Binafsi	17	11	14	9	4	51
    JUMLA YOTE	1. Serikali na Mashirika/Binafsi	84	52	40	62	45	238

  • 
    
    • Kwa kipindi hicho vituo vya kutolea huduma vimeongezeka kutoka 146 mwaka 2005 hadi 238 mwaka 2014. Hii ni sawa na ongezeko la asilimia 63.
    •  Huduma za Mama na Watoto
      • Katika kipindi cha mwaka 2005 na 2014, idadi ya akina Mama wajawazito wanaojifungulia katika vituo vya kutoa huduma imeongezeka. Mwaka 2005 ilikuwa asilimia 56, kiwango kimeongezeka hadi kufikia asilimia 94 hadi kufikia Agosti, 2014.
      •  Kwa Mujibu wa taarifa ya Vifo vya watoto wachanga (Infants Mortality Rate (IMR) na watoto chini ya miaka 5 (Under 5 Mortality Rate (U5MR), navyo vimepungua.  Kwa Mwaka 2005, kati ya watoto 1,000 waliozaliwa hai, watoto  506 kati yao walifariki dunia na  kati ya watoto 1,000 waliozaliwa , watoto 240 kati yao walifariki dunia hadi  Agosti 2014 na kufanya hali ya vifo hivi kupungua kwa wastani wa asilimia 50 .
      • Pia, idadi ya vifo vitokanavyo na uzazi vimepungua kutoka vifo 250 kati ya akina mama 100,000  Mwaka 2005, hadi kufikia vifo 110  Agosti,  2014 kwa kila akina Mama 100,000, sawa na asilimia 56.
      • Aidha, kiwango cha utoaji wa chanjo kwa watoto wenye umri chini ya mwaka mmoja kimeongezeka kutoka asilimia 87 kwa Mwaka 2005 hadi kufikia asilimia 92 Agosti, 2014.

  • Jitihada za Mkoa katika kupambana na maambukizi  ya Virusi vya UKIMWI:

  • 
    
    •  Kutoa elimu jinsi ya kujizuia na maambukizi ikiwa ni pamoja na  Matumizi ya kondomu na kuwa na mpenzi mmoja.
    •  Kuzuia maambukizi kutoka kwa mama kwenda kwa mtoto (Option B+)
    •  Kufanya TOHARA kwa wanaume. Mpango wa tohara kwa wanaume ulianza kutekelezwa mwaka 2011/2012 katika Mkoa wa Njombe. Jumla ya wanaume wapatao 119,444 walifanyiwa tohara hadi kufikia Oktoba, 2014.
    • Mkoa umekuwa ukiratibu masuala Mtambuka ikiwemo ugonjwa wa UKIMWI. Kwa mwaka 2009 Mkoa ulianzisha Kamati za kudhibiti UKIMWI za Halmashauri 5 na katika ngazi za Kata 96.Hadi Oktoba, 2014 kamati za kudhibiti UKIMWI za Halmashauri 6 zimepatiwa mafunzo rejea ya kutekeleza majukumu yao. Kamati za UKIMWI za Kata 96 zimepewa mafunzo ya kutekeleza majukumu yake. Aidha, Elimu ya kuzuia maambukizi mapya imetolewa kwa jamii katika Kata 58 miongoni mwa Kata 96 mwaka 2013/2014.