MRATIBU WA UANDIKISHAJI WA DAFTARI LA KUDUMU LA WAPIGAKURA ATEMBELEA MAFUNZO YANAYOENDELEA WILAYANI LUDEWA

Posted on: January 11th, 2025

Mratibu wa Uandikishaji Mkoa wa Njombe, Ndugu. Lewis Mnyambwa leo tarehe 9 Januari, 2025 ametembelea mafunzo ya uboreshaji wa Daftari la Kudumu la Wapiga Kura kwa Waandishi Wasaidizi na Waendesha Vifaa vya Bayometriki katika vituo vya Mlangali na Ludewa vilivyopo katika Halmashauri ya Wilaya ya Ludewa mkoani humo.

Ndugu Mnyambwa amewaasa washiriki hao kufanya kazi yao kwa weledi, uadilifu na kutumia lugha nzuri kwa waandikishwaji watakaofika kituoni.

Mafunzo hayo ni sehemu ya maandalizi ya uboreshaji wa Daftari utakaofanyika katika mikoa ya Songwe, Njombe, Rukwa kwa siku saba kuanzia Januari 12, 2025 hadi Januari 18, 2025, ambapo vituo vitakuwa vikifunguliwa kuanzia saa 2:00 asubuhi na kufungwa saa 12:00 jioni.